A RÍA NON SE VENDE: unha Rede en defensa da Ría de Vigo.

O colectivo de veciños e veciñas Bouzas-móvete fixo 50 alegacións ao Plano Director de Instalacións Nautico Deportivas, tamén se fixeron alegacións desde outros colectivos ambientalistas e sociais da Ría de Vigo, desde outras zonas do litoral galego e desde a rede "Galiza Non Se Vende"

Todas estas alegacións son muitísimos argumentos en contra do Plano Director que pretende ceder o litoral galego aos intereses especulativos dos grandes grupos económicos e especulativos.

Resulta coherente que utilice a palabra folclórica de xeito despectivo, unha persoa que pretende destruir a identidade colectiva das vilas mariñeiras, o noso patrimonio marítimo e a nosa paisaxe formigonando o litoral.

Ler máis »

A rede de colectivos A Ría Non Se Vende vimos de denunciar diante do Xulgado de guarda:

1- que o Porto de Vigo estivo, até agora, vertendo impunemente ao mar as aguas residuais que se xeneran nos peiraos do Berbés porque carecen de conexión coa rede xeral.

Agora din que van fazer esa conexión coa rede e envialas até a estación depuradora do lagares para o seu tratamento. O que dito de outro modo é botarlas no medio da ría que se nota menos, xa que esta depuradora verte á Ría cada segundo 900 litros de agua sen tratar. O seu funcionamento é un desastre e a macrodepuradora que pensan construir no mesmo sitio tampouco vai funcionar porque non está proxectado realizar separación das aguas residuais, das pluviais e das industriais. Ao non separar os tres tipos de aguas os vertidos industriais impedirian que se realice o tratamento dos residuos e cando chovera muito saturaríase polas pluviais.

2- Que o polígono industrial do recheo de Bouzas tampouco ten ningun tipo de saneamento, polo que todos os residuos van direitamente para o mar provocando outro ponto negro de contaminación dentro da Ría. E aquí xa haberia que falar de aceites hidrocarburos pinturas, etc. que terian que ser tratados independentemente do sistema de saneamento da cidade. O mesmo pasa co resto das instalacións portuarias da Ría.

Será que non se deron de conta até agora de que non existe saneamento no porto? Como é posibel que se gastasen milhons de euros en paginas de prensa con publicidad sobre a urxencia das ampliacións e sobre proxectos fantasmagóricos como o proxecto Nouel, unha noria no porto, restaurantes, piscinas, etc e non se plantearan ate agora as obras de saneamento?.

3-Que o porto de Vigo pretende verter entre as illas de Ons e Sálvora 148.000 toneladas de lodos contaminados con metais pesados, hidrocarburos e restos de saneamento, procedentes do dragado para gañar calado nas dársenas do Berbés.

Ler máis »

O Parque Nacional das Illas Atlánticas, entre as illas de Ons e Sálvora, é o lugar escollido pola Autoridade Portuaria de Vigo para verter 148.000 toneladas de lodos contaminados procedentes da zona do Berbés, que se dragará para gañar calado.

As dársenas pesqueiras do Berbés son o lugar onde se vertían, ata hai dez anos, cando se estreou a inoperante depuradora do Lagares, todas as augas residuais da cidade e o sitio onde seguen desaugando hoxe todas as empresas instaladas no porto, que aínda, en 2008, carece de conexión coa rede de saneamento. Metais pesados, clorobifenilos, e hidrocarburos completan a mestura contaminante da zona, como revelan diversos estudos sobre a contaminación da ría, que coinciden en considerar este punto como o máis contaminado.

O porto, en cambio, cualificou o material de dragado como Categoría II, de acordo coa clasificación realizada polo Centro de Estudos e Experimentación de Obras Públicas (CEDEX), o que permite vertelo ao mar sen tratamento previo ningún.

Ler máis »

Coa chegada do veleiro Deusa Maat a Vigo, o próximo 23 de xullo, Ecoloxistas en Acción, Verdegaia e a rede “A Ría Non se Vende” presentarán o informe “Bandeiras Negras 2008” sobre a alarmante situación dos ecosistemas litorais do Estado español, e concederán Bandeiras negras e Puntos Negros ás zonas máis agredidas do litoral vigués.

Este verán o veleiro Deusa Maat da confederación Ecoloxistas en Acción diríxese ao Mar Cantábrico para realizar unha análise da situación dos ecosistemas costeiros e mariños da zona e, ver como o estado destes inflúe sobre a economía e modos de vida das diferentes localidades costeiras, seleccionando algunhas das máis representativas para obter esta análise. O Deusa Maat conta con científicos mariños entre a súa tripulación que relacionarán os datos públicos dispoñibles cos datos obtidos coa instrumentación que conta o veleiro.

Ecoloxistas en Acción, a asociación ecopacifista galega Verdegaia e a rede “A Ría Non se Vende”, convocarán o mércores 23 de xullo, ás 11:00 horas, unha rolda de prensa no Porto de Vigo para dar comezo á campaña “Bandeiras Negras 2008”. Darase a coñecer en detalle a realidade do litoral español, galego e vigués.

Durante todo o día os colectivos ecoloxistas, veciñais e sociais colocarán Bandeiras Negras e Puntos Negros en diferentes praias e zonas litorais da Ría de Vigo ameazadas fundamentalmente pola especulación urbanística desmesurada, a ampliación de infraestruturas como o porto de Vigo e os portos deportivos, a escasa e inadecuada depuración das augas residuais, verteduras industriais, así como os recheos. Convócase a todas as persoas interesadas a participar nestas accións de denuncia. Tamén se pode visitar o veleiro Deusa Maat, durante o seu amarre en Vigo e en Cangas. Así mesmo haberá unha exposición e xogos didácticos.

Ler máis »

venres 18 de xullo ás 8 da tarde

no Salón de Actos da A.V:V: de Coruxo

Intervirán:

Pelayo Míguez Baños
Biólogo. Director Técnico do Centro Analítico Míguez y Muiños:"Situación actual da depuración na Ría de Vigo. Plans de futuro"

Diego Rodríguez
Asociación Ecoloxista Verdegaia:"Medio natural e Ubicación"

Nuria Vidal de Llobatera
Bióloga. Consultora Ambiental. Máster en ingeniería y gestión ambiental. Miembro de Ecologistas en acción:"La participación ciudadana en la toma de decisiones"

Modera:

Luis Alfonso Rodríguez
Microbiólogo. Director do departamento de microbioloxía da Universidade de Vigo. Campus de Ourense.

Organiza:
Comisión Veciñal de Afectados pola Depuradora do Lagares

A Asociación de Veciños de Chapela (Redondela) ca colaboración da Asociación ecoloxista Verdegaia, organiza un roteiro polo regato do Fondón que se celebrará o vindeiro domingo, 6 de xullo, con saía ás 10:30 hs. dende a sede da Asociación de Veciños de Chapela, sita na entrada ó Barrio da Igrexa de Chapela (enriba da oficiña de Correos da localidade).

Ler máis »

O acto terá lugar o martes, 24 de xuño ás 20:30 no Centro Social A Cova dos Ratos (Rúa Romil, 3 baixo), e entregarase material informativo e o programa das actividades paralelas ao Congreso Mundial do Petróleo en Madrid.

Achégase o verán e, ademais de traernos sol e "bo tempo", este ano ameázanos coa ocupación de Madrid por un tenebroso lobby. Así, entre o 29 de xuño e o 3 de xullo, 4.000 delegados reuniranse en Madrid no marco do Congreso Mundial do Petróleo. Tras este pomposo nome xuntaranse os representantes do, probablemente, lobby máis poderoso do Planeta (o petroleiro).

A industria petroleira reúnese en Madrid mostrando a súa cara máis amable ante a opinión pública mundial. As petroleiras queren impor a mensaxe de que debemos apoiar o seu negocio porque non poderiamos ter unha calidade de vida "digna" sen el. A enorme dependencia destes combustibles crea gravísimos problemas, como o empobrecemento da maioría das poboacións do sur, estrangulándoas con prezos impagables polos alimentos, provoca a guerra en rexións con xacementos, como é o caso de Iraq e todo Oriente Medio que ten máis do 60% das reservas de petróleo coñecidas e o 40% do gas, é a principal causa do cambio climático polas súas emisións de CO2 (o 34% de todos os gases de efecto invernadoiro procede do petróleo e do gas). Ademais provoca a contaminación continuada de mares e costas en todo o planeta polo constante explotación e transporte do cru. Ata o seu procesamento en refinerías arrisca a saúde e seguridade da poboación da contorna, ao que se engaden as mortes causadas polo tráfico.

Por estes motivos, máis de 60 organizacións de diferentes movementos sociais organizan a partir do próximo venres, o Encontro Social Alternativo ao Petróleo (ESAP).

O próximo fin de semana celebraranse en Madrid os actos de protesta contra o Congreso Mundial do Petróleo.

Adxunto enviamos o programa completo do ENCONTRO SOCIAL ALTERNATIVO Ao PETRÓLEO, que terá lugar do 27 ao 29 de xuño en Madrid e ao que convocan máis de 60 organizacións, entre elas tamén Verdegaia.

É urxente saber se somos suficientes persoas para organizar un autobus de Galicia a Madrid que sairía o venres pola noite e estaría de vualta o domingo pola noite.

As persoas interesadas deben chamar ao 619 94 90 53.

Hai unha zona de acampada (aloxamento gratis) onde se poden montar tendas (pero se necesita levar todo o material para acampar).

Se algunha persoa necesitase durmir nunha casa que se poña cos teléfonos 626 682 685 /662 448 924.

Anímase a todos os grupos a desprazarse a Madrid nesas datas ou a realizar accións paralelas nos seus distintos sitios.

Tedes toda a información en: www.nomassangreporpetroleo.org

Caixa dos correios: vigo@verdegaia.org
http://www.verdegaia.org

Cinco colectivos con presencia en Redondela, a asociación “Amigos da Terra”, a “Organización Activista de Redondela”, a asociación “Matar por Matar, NON”, a “Liga Veciñal de Redondela” e a “Asociación de Veciños de Chapela” , esperamos a resposta do Concello de Redondela en relación ca denuncia formulada ante esta administración e a Consellería de Medio Ambiente e Desenvolvemento Sostible, o pasado xoves, 24 de abril, contra a consesionaria do Servizo de Recollida do Lixo do Concello de Redondela, Urbaser S.A., polo posibel incumprimento da normativa sobre a recollida e eliminación de animais mortos (Regulamento Europeo 1774/2002 do 3 de outubro do 2002), ó ser advertivos por distintos veciños que o pasado 25 de marzo testemuñaron como operarios de Urbaser introducian un can morto (en atropelo de tráfico), no interior dun vehículo recolector de lixo, cos restantes residuos sólidos urbáns.

Ler máis »

Nota de prensa de
A RÍA NON SE VENDE

Os colectivos integrados na rede A Ría Non se Vende, como xa expresamos ao final da gran manifestación do domingo en Vigo, apoiamos e facemos nosa a mobilización convocada para o día 8 de xuño en Ferrol contra Reganosa, e para facilitar a asistencia á mesma contrataremos un servizo de autobuses. Tamén expresamos o noso apoio e facemos noso o chamamento aos actos programados polo colectivo vigués Voces polo Litoral de Teis na ETEA.

Por este motivo lamentamos moito non poder asistir á manifestación convocada con posterioridade para o mesmo día contra o Plano Acuícola. Un Plano que rexeitamos totalmente polo que significa para toda a costa galega (e tamén para esta ría coas ampliacións das piscifactorías de Oia e de Punta dos Castros en Cangas) e unha mobilización, polo tanto, na que nos houbera gustado poder participar.

Non podemos entender que habendo unha convocatoria en Ferrol publicitada desde hai tanto tempo, veña escollerse a mesma data para outra manifestación en Compostela que coincide cos mesmos obxectivos de defensa do patrimonio natural, da paisaxe e do territorio.

Dividir é peor que restar e nós estamos por sumar.

Alén deste desafortunado erro, queremos manifestar a nosa solidariedade con todos os colectivos que loitan contra este Plano Acuícola inxusto e destrutor do noso litoral, solidariedade que xa temos evidenciado sobradamente noutras ocasións coa nosa presencia en Quilmas, Merexo, Corrubedo, etc. Desgraciadamente esta vez prívasenos desa posibilidade.

Ría de Vigo, 30 de maio de 2008

A RÍA NON SE VENDE