Tags
Á vista do publicado en distintos medios de comunicación respecto ao Plano de Usos do Porto, a rede de colectivos “A Ría Non Se Vende” ven manifestar o seguinte:
PRIMEIRO:
A presentación deste Plano de Usos non é mais que unha campaña mediática que resposta a intereses políticos e económicos e pretende xustificar a pobre e continuísta xestión de Suso Paz ao frente da Autoridade Portuaria. Xestión da que cómpre salientar a actuación ilegal na zona da antiga Duchess, en Rande, explanando e cementando terreos integrados dentro do LIC da Rede Natura da Enseada de San Simón.
Chúzao | 
del.icio.us Tras coñecer a aprobación definitiva do estudio informativo da polémica variante que cruza os concellos de Pontevedra, Soutomaior e Redondela, esta Organización quere mostrar o seu desacordo cun proxecto que desvertebra o monte veciñal de alomenos 8 Comunidades.
Leer máis: http://oaredondela.blog.com/4795131/
NOTA DE PRENSA DE
A RÍA NON SE VENDE
No xulgado nº 6 de Vigo tivo lugar o pasado día 30, un xuízo de faltas contra dez persoas polos “feitos” de Toralla.
Estes “feitos” refírense a unha concentración lúdica e pacífica na praia da Illa de Toralla, que foi “invadida” aquela tarde por músicos, “piratas” e navegantes aventureiros que só reivindicaban o dereito cidadán (estipulado pola lexislación vixente) de acceso ao litoral. Algo que nesa illa, símbolo da especulación, non se compre.
A fiscal pediu para cada unha das persoas acusadas unha multa de 350 euros por considerar probado que proferiron insultos contra os policías actuantes. Tamén solicitou a libre absolución dun policía nacional acusado de agredir a un dos manifestantes. Algúns destes presentaron como proba varios partes médicos das lesións que sufriron aquela tarde.
Este xuízo, que responde a unha denuncia da Policía Nacional, é para A RÍA NON SE VENDE un paso máis no camiño de criminalización e acoso que se ven producindo cara esta rede de colectivos desde a Subdelegación do Goberno en Pontevedra.
A rede de colectivos “A Ría Non Se Vende” califica a supresión da liña, os fins de semana, de transporte por ría entre Vigo e Moaña, como un lamentabel paso atrás no camiño cara unha mobilidade sustentabel entre as dúas beiras e esixe o seu restablecemento.
1. A Ría non se vende considera o transporte colectivo por ría como un servizo social de interese xeral polos beneficios sociais, económicos e ecolóxicos que implica; e para que prime o correcto e eficiente funcionamento do mesmo por riba do lucro privado, ten que ser financiado, ordeado e xestionado ó 100% pola administración pública (Estado, Xunta, Concellos).
A cobiza Portuaria pretende aterrar 230.000 m2, en distintos lugares da Ría de Vigo, 23 hectáreas nas que caberían 46 campos de fútbol, o que seria un atentado ecolóxico de nefastas consecuencias.
PORQUÉ NON SE DEBEN FACER MÁIS RECHEOS NA RÍA?
1-A Ría é riqueza. A Ría é un dos ecosistemas mariños con maior productividade biolóxica do mundo, debido ao fenómeno do afloramento costeiro. Dela viven millares de familias adicadas á pesca, marisqueo, acuicultura, e bateas, que forman o núcleo dun conxunto que abarca a todos os sectores da economía tradicional: construción naval, reparación, comercialización, transporte, hostalaría e turismo.
2-Impacto ambiental. Os recheos ocasionan un forte e complexo impacto ambiental, pois a Ría constitúe unha sucesión de hábitats interdependentes, e funciona física e bioloxicamente como unha unidade, polo que as perturbacións producidas nun punto, repercuten no seu conxunto. A Ría é un ecosistema único, fráxil e que está xa moi degradado.
A rede A Ría Non Se Vende, organiza en Vigo unhas xornadas sobre o modelo de transporte actual e a crise enerxética e financeira global. Comezaron 28 de Febreiro e continuarán 7, 13 e 14 de Marzo.
As xornadas, abertas a tódolos colectivos e xente interesada, versarán sobre a insustentabilidade do patrón de transporte dos nosos días, apoiado en infraestruturas impactantes no medio natural. Un modelo de transporte que impacta negativamente tamén na sociedade, que causa mudanza climática, e que perpetua un crecemento destrutor e consumista de enerxía e recursos naturais.
Así mesmo, debatirase en mesa redonda sobre a crise financeira global -que afecta especialmente ao sector da automoción, con perdas de emprego masivas-, sobre as medidas de rescate da industria automovilística e as axudas para promover o consumo e, por suposto, falarase tamén de posibles alternativas que están xurdindo e que son desoídas.
Un debate no que se prantexará se cómpre seguir mantendo artificialmente un sistema produtivista e inxusto (baixo a xustificación do emprego) ou se por fin chegou a hora de reprantexarse alternativas serias que dean resposta aos problemas actuais.
Sabemos que o crecemento ilimitado nun planeta limitado é algo irrealizable, polo que non parece disparatado reprantexarse o decrecemento de produción e consumo para recuperar o equilibro coa natureza e a xustiza social no Planeta.
A ría de Vigo presenta uns índices de contaminación alarmantes. Parte de esta contaminación é debida aos metais pesados, moi nocivos para a saude, que proveñen das industrias.
Na cidade mais industrializada do país, as aguas industriais da maioria das empresas non se tratan e van, xunto coas aguas residuais urbanas e as pluviais, cara unha depuradora que está preparada para tratar exclusivamente a materia orgánica das aguas domésticas, polo que a contaminación vai, cada dia, en aumento e pode chegar o momento en que o peixe e o marisco da ria nom se podan comercializar por ser nocivos para a saúde.
Últimas paradas da Caravana de concertos de Galiza Non Se Vende:
Xoves, 12 de febreiro en Ourense un concerto especial de entroido no dia de compadres do entroido ourensan: con actividades desde as 18:00 con obradoiro de compadres na rua do paseo, ás 19:45 Desafio: Capitalismo-Terra na rua do Paseo con rolda de prensa incluida, ás 20:00 pasaruas con percusión e malavares até o Grándola, na Praza San Marcial, ás 20:15 Repichoca de compadres-GNSV no Grándola con Algaravia e Gomes Mouro, ás 21:15 Pasaruas con percusión e malavares até o Auriense na Praza do Correxidor, ás 21:30 concerto no Auriense cos grupos: Guezos e Airas e ás 24:00 Persecución de compadres desde o Faíscas na rua Lúa.
Sábado, 14 de febreiro en Corrubedo, ás 22:00 na Sala Sursumcorda, onde actuarán os gruposs: Os Jalochos, Charanga punki, os Chiquiliquatres, e Inllorfeis.
Domingo 15 de febreiro en Compostela, último concerto de esta caravana, coincidindo coa manifestación nacional de Galiza Non Se Vende, ás 17:30 na Sala Nasa. Onde tocarán os grupos: Os da Ría, The Homens, Quempallou e Dakidarría.
COMUNICADO DE CONVOCATORIA
As persoas que berramos GALIZA NON SE VENDE expresamos a nosa máis enérxica protesta ante o desolador panorama que deixa este goberno disfrazado de progresista coas súas políticas ambientais e sociais que están arruinando Galiza, destruíndo a súa paisaxe, os seus recursos naturais, o patrimonio cultural e a biodiversidade. Políticas ambientais e sociais que significan a continuación das de gobernos anteriores no triste camiño de entregar o país, os seus recursos e a súa identidade, ás grandes empresas multinacionais e aos grandes intereses económicos, utilizando o gasto público para alimentar este obsoleto, inxusto e insustentabel modelo económico e social.
Porque outro xeito de facer é posibel, a cidadanía galega sairá á rúa xunta (e revolta), o dia 15 de febreiro nunha grande manifestación nacional en Compostela, que partirá ás 12 da mañá da Alameda, baixo o lema:
GOBERNE QUEN GOBERNE, GALIZA NON SE VENDE
A lista dos obxectivos e puntos de denuncia é, por desgraza, longa e variada.
Céntranse no corazón magoado da nosa realidade natural e social: Esquecemento interesado das persoas máis necesitadas economicamente, marbellización do litoral, recheos e contaminación das rías, degradación dos ríos, plano acuícola devastador das zonas costeiras mellor conservadas, portos deportivos que enmascaran urbanizacións e apropiación privada da costa, caos eólico, destrución e privatización da terra pola cobiza de graniteiros, louseiros e outras minarías; campos de golf, eucaliptización, cultivos transxénicos, industrias nocivas e perigosas, parques industriais desproporcionados e sen planificación, sistema de transportes irracional, depredador e insostíbel; urbanismo salvaxe, deterioro dos núcleos históricos das vilas, especulación xeralizada, macroáreas metropolitanas engulidoras e centralizadoras do territorio, extinción programada da agricultura e da pesca artesanal, abandono e destrución do rural, pobreza de espazos naturais protexidos e nulo respeito polos que hai, desprotección do patrimonio cultural, especialmente do arqueolóxico…
As persoas que berramos GALIZA NON SE VENDE expresamos as nosas ganas de vivir e de recuperar e potenciar os espazos e coñecementos que nos serviron durante séculos, para que nós e as persoas que veñan despois teñamos un futuro garantido. Por iso artellamos unha rede de colectivos e proxectos realmente alternativos e conscientes, ante a incapacidade e covardía duns gobernantes que renuncian a deter esta tolemia, para procurarnos estratexias válidas para poder seguir vivindo na nosa terra e da nosa terra sen necesidade de esmagar ao resto do mundo e ás xeracións futuras.
As persoas que berramos GALIZA NON SE VENDE temos moi claro que non imos quedar indiferentes ante falsos discursos de cidadanías e democracias cando se nos criminaliza por ser cidadás e cidadáns e expresar o que pensamos, non imos quedar indiferentes cando nos seus discursos baleiran de contido as palabras, mentres agochan detrás actuacións cheas de parcialidade.
Por todo isto é necesaria a presenza de todas e todos o domingo 15 en Compostela, na Alameda ás 12:00 do mediodía.
GOBERNE QUEN GOBERNE, GALIZA NON SE VENDE
Terra viva e vida digna para tod@s!
Por un cambio de rumo nas políticas ambientais e sociais de este pais, o domingo 15 de febreiro, coincidindo co derradeiro concerto da Caravana, os 57 colectivos que formamos a rede de Galiza Non Se Vende convocamos unha manifestación nacional en Compostela, que sairá ás 12:00 da alameda. E terá o lema:
GOBERNE QUEN GOBERNE GALIZA NON SE VENDE
O 15 de febreiro tod@s a Compostela
